Emigranti në Belgjikë fiton loton, por kompania nuk ia jep paratë

08:15 | 16 Prill 2022
Trina Galanxhi

Një shtetas algjerian që mendohet se qëndron pa dokumente në Belgjikë “po lufton” për të marrë paratë që i ka fituar në loto.

Me një të gërvishtur ai ka fituar 250 mijë euro, transmeton portal arbresh.info

Autoritetet theksojnë se ai mund të marrë paratë vetëm nëse ia del të dëshmojë mbi identitetin e tij.

“Klienti im është në një situatë të paligjshme, ai nuk ka letra dhe asnjë llogari bankare”, tha Alexander Verstraete, avokat i 28-vjeçarit.

“Jemi duke kërkuar dokumente që mund të vërtetojnë identitetin e tij dhe për këtë ai do të kontaktojë familjen e tij në Algjeri”, tha ai.

Verstraete tha se letra me gërvishtje fituese po mbahej aktualisht nga një gjykatë në qytetin e Bruges.
Bileta fituese është blerë disa javë më parë në Zeebrugge. Qyteti port në Belgjikë është një destinacion popullor për migrantët dhe refugjatët që përpiqen të arrijnë në Angli./aljazeera/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm